Championship: Brentford tókst ekki að vinna þrátt fyrir yfirburði

Einn leikur fór fram í ensku Championship-deildinni í dag. Huddersfield tók á móti Brentford í hádeginu og var leikurinn liður í 39. umferð deildarinnar.

Brentford er í baráttu um umspilssæti á meðan Huddersfield var sjö stigum fyrir ofan fallsæti fyrir leik dagsins.

Leikar enduðu með 1-1 jafntefli eftir mörk frá Lewis O'brien og Mads Bech Sörensen.

Brentford var með mikla yfirburði í leiknum, hélt boltanum ríflega 60% af leiktímanum og átti fimmtán tilraunir að marki Huddersfield gegn einungis þremur marktilraunum frá Huddersfield að marki Brentford.

Stöðuna í deildinni má sjá hér að neðan.