Ödegaard spilaði með Arsenal á láni frá Real Madrid seinni hluta síðustu leiktíðar og stóð sig vel.

Arsenal vildi fá hann aftur en Real Madrid er ekki tilbúið að láta hann frá sér.

Norski miðjumaðurinn sendi kveðju á stuðningsfólk Arsenal á samfélagsmiðlum í dag.

„Þið eigið alltaf stað í hjarta mínu," skrifar Ödegaard í kveðju sinni.

Ödegaard er 22 ára gamall, en ítalski fjölmiðlamaðurinn Fabrizio Romano segir að spænska stórveldið Real Madrid vilji halda honum. Hann segir jafnframt að Real sé tilbúið að selja Isco ef gott tilboð berst.