Byrjunarlið Luton og Burnley: Mengi og Foster koma inn

Luton vann sinn fyrsta úrvalsdeildarleik um helgina, þegar liðið heimsótti Everton og vann 1-2 eftir að hafa komist í tveggja marka forystu í fyrri hálfleik.

Rob Edwards, knattspyrnustjóri Luton, gerir eina breytingu frá sigrinum þar sem Teden Mengi, uppalinn hjá Manchester United, kemur inn í varnarlínuna fyrir Reece Burke sem er tæpur vegna smávægilegra meiðsla og sest á bekkinn.

Fyrirliðinn Tom Lockyer fór meiddur af velli gegn Everton en er klár í slaginn í kvöld.

Lærisveinar Vincent Kompany í Burnley eru enn í leit að sínum fyrsta sigri, en Kompany gerir aðeins eina breytingu frá 2-0 tapi gegn Newcastle um helgina.

Lyle Foster kemur inn í byrjunarliðið fyrir Aaron Ramsey sem sest á bekkinn.

Jóhann Berg Guðmundsson er fjarverandi vegna meiðsla.

Luton: Kaminski, Mengi, Lockyer, Bell, Kabore, Mpanzu, Nakamba, Doughty, Brown, Ogbene, Morris.
Varamenn: Krul, Andersen, Berry, Woodrow, Adebayo, Chong, Burke, Giles, Johnson.

Burnley: Trafford, Roberts, Al Dakhil, Beyer, Taylor, Cullen, Berge, Keleosho, Brownhill, Foster, Amdouni.
Varamenn: Muric, Cork, Rodriguez, Ramsey, Vitinho, Tresor, Bruun Larsen, Delcroix, Odobert.