Leik Al-Ittihad frá Sádi-Arabíu og Sepahan frá Íran í Meistaradeild Asíu var frestað í gær þar sem lið Al-Ittihad neitaði að koma út úr búningsklefanum.
Ólga er milli Írans og Sádi-Arabíu og leikir milli liða frá þessum tveimur löndum hafa verið spilaðir í hlutlausum löndum síðustu ár en þetta er fyrsta tímabilið eftir að því var breytt.
Ólga er milli Írans og Sádi-Arabíu og leikir milli liða frá þessum tveimur löndum hafa verið spilaðir í hlutlausum löndum síðustu ár en þetta er fyrsta tímabilið eftir að því var breytt.
Sádi-arabíska liðið var mótfallið því að spila þar sem stytta af myrtum írönskum hershöfðingja, Qasem Soleimani, var komið fyrir við inngang vallarins í Íran. Soleimani var skilgreindur sem hryðjuverkamaður af Sádi-Arabíu.
Soleimani lést eftir drónaárás Bandaríkjahers nærri flugvellinum í Bagdad í janúar 2020.
Asíska fótboltasambandið ákveður nú hvað verður gert varðandi leikinn.
Athugasemdir
