Englandsmeistarar Liverpool gerðu 2-2 jafntefli við Fulham eftir dramatískan slag í ensku úrvalsdeildinni í dag.
Florian Wirtz skoraði fyrsta mark Liverpool í leiknum en það tók góðan tíma fyrir VAR-herbergið að meta hvort Þjóðverjinn hafi verið rangstæður eða ekki þegar sendingin til hans fór af stað.
Fyrir beru auga leit Wirtz út fyrir að vera örlítið rangstæður, en eftir skoðun í VAR-herberginu kom í ljós að hann var í raun réttstæður. Þetta hefur verið mjög umdeilt á samfélagsmiðlum með hinum ýmsu myndbirtingum.
04.01.2026 18:07
Sjáðu atvikið: Var Wirtz í rangstöðu?
Fréttamenn frá BBC báðu um skýringar á þessari rangstöðu frá enska dómarasambandinu og fengu svar um að í ensku úrvalsdeildinni séu 5cm skekkjumörk í rangstöðudómum.
„Í Evrópu þá skiptir hver millimeter máli en í ensku úrvalsdeildinni eru 5cm skekkjumörk svo framherjinn fær að njóta vafans," er útskýringin sem fréttamenn breska ríkisútvarpsins fengu.
Þetta svar vekur athygli í ljósi fyrri rangstöðudóma á tímabilinu sem virðast ekki hafa tekið mið af þessum skekkjumörkum.
Athugasemdir
