Lið vikunnar í enska - Enginn Haaland, samt partí!

Markvörður: Aaron Ramsdale (Arsenal) - Er að eiga frábært tímabil og kom í veg fyrir að Arsenal lenti hreinlega undir gegn Leeds. Á endanum vann Arsenal 4-1 og er með átta stiga forystu á toppi deildarinnar.

Varnarmaður: Nathan Ake (Manchester City) - Hágæða varnarframmistaða í öruggum sigri gegn Liverpool.

Varnarmaður: Michael Keane (Everton) - Er í úrvalsliðinu þrátt fyrir að hafa brotið klaufalega af sér og fært Tottenham vítaspyrnu. Hann bætti hinsvegar upp fyrir það með því að skora stórkostlegt jöfnunarmark á 90. mínútu. 1-1 urðu lokatölur.

Varnarmaður: Nayef Aguerd (West Ham) - Marokkóski varnarmaðurinn skallaði boltann inn og tryggði West Ham dýrmætan 1-0 sigur gegn Southampton. Hans fyrsta mark fyrir West Ham.

Varnarmaður: Dan Burn (Newcastle) - Enn ein frábæra frammistaða varnarmannsins stóra og stæðilega. Var með sóknarmenn Man Utd í vasanum eins og sagt er.

Miðjumaður: Alexis Mac Allister (Brighton) - Jafnaði í 3-3 með flottri vítaspyrnu gegn Brentford. Argentínski heimsmeistarinn er eftirsóttur og skildi engan undra.

Miðjumaður: John McGinn (Aston Villa) - Með mark í sigrinum gegn Chelsea. Hafði ekki skorað fyrir Aston Villa síðan 2021. Langþrátt.

Miðjumaður: Jack Grealish (Manchester City) - Mark og stoðsending gegn Liverpool. Fór illa með andstæðinga sína og var maður leiksins.

Miðjumaður: Marcus Tavernier (Bournemouth) - Skoraði fyrra mark Bournemouth sem vann Fulham 2-1. Engin skal afskrifa Bournemouth.

Sóknarmaður: Gabriel Jesus (Arsenal) - Það er gleðiefni að Jesus sé kominn á fulla ferð eftir meiðsli. Brassinn skoraði tvö gegn Leeds.

Sóknarmaður: Julian Alvarez (Manchester City) - Julian Alvarez sá til þess að Erling Haaland var ekki saknað. Argentínski sóknarmaðurinn var frábær í sigri Liverpool. Skoraði fyrsta mark City.