Atli Sveinn Þórarinsson, annar af þjálfurum Fylkis, var að vonum ánægður eftir 2-1 sigur sinna manna gegn Fjölni í fjórðu umferð Pepsi Max-deildarinnar í dag.
„Ég er ánægður að vinna. Það eru allir leikir mikilvægir í þessari deild. Við komum hingað til að sækja þrjú stig og fylgdum okkar uppleggi bara nokkuð vel." sagði Atli eftir leikinn.
„Ég er ánægður að vinna. Það eru allir leikir mikilvægir í þessari deild. Við komum hingað til að sækja þrjú stig og fylgdum okkar uppleggi bara nokkuð vel." sagði Atli eftir leikinn.
Lestu um leikinn: Fjölnir 1 - 2 Fylkir
Fylkismenn eru nú búnir að vinna tvo leiki í röð eftir að hafa tapað fyrstu tveimur leikjum sínum.
„Ég held að öll lið séu bara að bæta sig frá leik til leiks. Við sáum Skagamenn í gær (4-1 útisigur gegn Val) og ég held að þetta hafi verið besti leikur Fjölnis líka í dag. Þannig að ég held að öll liðin séu í stöðugri bætingu."
Næsti leikur Fylkis er gegn KA á Wurth-vellinum næstkomandi fimmtudag. Atli Sveinn þekkir KA-liðið mjög vel en hann var fyrirliði liðsins, síðast árið 2015.
„Við tökum bara einn leik fyrir í einu og það er alltaf hrikalega gaman að mæta vinum mínum í KA, þannig að mér lýst vel á framhaldið." sagði Atli að lokum.
Viðtalið við Atla Svein má sjá í spilaranum að ofan.
Athugasemdir