Memphis er án félags eftir að hafa yfirgefið Atletico Madrid þegar síðasta tímabili lauk.

Hann hefur verið að æfa einn eftir Evrópumótið á meðan hann bíður eftir nýju félagi.

Memphis, sem er þrítugur, hefur leikið með Atletico, Barcelona, Lyon, Manchester United og PSV Eindhoven á sínum ferli. Þá á hann 98 landsleiki fyrir Holland en í þeim hefur hann skorað 46 mörk.

Það hefur ekki verið mikill áhugi á honum frá stórum félögum í Evrópu og gæti hann endað í Brasilíu.