Benedikt Daríus innsiglaði sigur Fylkismanna
Þór 0 - 2 Fylkir
0-1 Guðmundur Tyrfingsson ('13 )
0-2 Benedikt Daríus Garðarsson ('75 )
Rautt spjald: Eiður Benedikt Eiríksson, Þór ('83) Lestu um leikinn
0-1 Guðmundur Tyrfingsson ('13 )
0-2 Benedikt Daríus Garðarsson ('75 )
Rautt spjald: Eiður Benedikt Eiríksson, Þór ('83) Lestu um leikinn
Fylkir tryggði sér sæti í úrslitum Lengjubikarsins eftir sigur á Þór á Akureyri í undanúrslitum í kvöld.
Fylkismenn brutu ísinn eftir tæplega stundafjórðung þegar Guðmundur Tyrfingsson skoraði með góðu skoti í fjærhornið.
Þeir voru nálægt því að bæta við öðru marki stuttu síðar en Benedikt Daríus Garðarson komst ekki í boltann eftir sendingu frá Eyþóri Aroni Wöhler.
Christian Greko Jakobsen fékk gott færi fyrir Þórsara eftir rúmlega hálftíma leik en Ólafur Kristófer Helgason varði vel frá honum. Strax í kjölfarið komst Guðmundur Tyrfingsson í færi hinu megin en Aron Birkir Stefánsson sá við honum.
Þórsarar voru komnir hátt upp völlinn með liðið og reyndu að ná inn jöfnunarmarkinu en Benedikt Daríus slapp í gegn og innsiglaði sigur Fylkismanna þegar stundafjórðungur var til leiksloka.
Fylkir er því komið í úrslit en liðið fær þar KR í heimsókn á tekk VÖLLINN á laugardaginn.
Athugasemdir
