Íslenska landsliðið skipað leikmönnum 20 ára og yngri var niðurlægt af Austurríki í hreinum úrslitaleik um sæti HM í Kólumbíu sem fer fram á næsta ári.

Austurríki var með yfirhöndina frá byrjun. Nicole Ojukwu var í miklu stuði en hún setti þrennu í fyrri hálfleiknum. Þriðja markið gerði hún úr aukaspyrnu eftir að Eyrún Embla Hjartardóttir fékk rauða spjaldið.

Isabel Aistleitner gerði fjórða markið úr vítaspyrnu fyrir leikhlé og í seinni hálfleik bætti Alisa Ziletkina við tveimur mörkum eftir að hún kom inn á sem varamaður.

Lokatölur 6-0 en um var að ræða afar vondan leik hjá íslenska liðinu.