Sarr hefur verið að glíma við hnémeiðsli.
Watford hefur hleypt senegalska vængmanninum Ismaila Sarr í Afríkukeppnina.
Deilur hafa staðið yfir milli Watford og senegalska sambandsins sem sakaði enska félagið um að neita því að losa Sarr fyrir mótið. Sarr hefur verið að glíma við meiðsli í hné síðan í nóvember og Watford bauð Senegal að senda eigin lækna til að skoða meiðsli hans.
Deilur hafa staðið yfir milli Watford og senegalska sambandsins sem sakaði enska félagið um að neita því að losa Sarr fyrir mótið. Sarr hefur verið að glíma við meiðsli í hné síðan í nóvember og Watford bauð Senegal að senda eigin lækna til að skoða meiðsli hans.
Í gær staðfesti Senegal að þessi 23 ára leikmaður hefði yfirgefið London og væri á leið til Kamerún, þar sem mótið fer fram.
Reglur FIFA eru á þá leið að leikmaður sem er kallaður í landsliðsverkefni verður að fá að fara, jafnvel þó hann sé meiddur, svo að læknateymi landsliðsins geti skoðað hann.
Afríkukeppnin hefst á sunnudag og Senegal, sem er í B-riðli, á leik gegn Simbabve á mánudag.
Watford er í harðri fallbaráttu í ensku úrvalsdeildinni.
Athugasemdir
