Bouna Sarr er þriðji leikmaðurinn sem FC Bayern kynnir í dag en hann kemur til félagsins úr röðum Marseille fyrir 10 milljónir evra.
Sarr er 28 ára gamall Frakki og skrifar undir fjögurra ára samning við Þýskalands- og Evrópumeistarana.
Sarr er hægri bakvörður að upplagi en getur einnig spilað á kantinum. Hann er fenginn sem varaskeifa fyrir bakvarðarstöðuna eftir að lán Alvaro Odriozola endaði.
Benjamin Pavard er hægri bakvörður FC Bayern en í hans fjarveru getur Joshua Kimmich leyst stöðuna af hólmi, þó Hansi Flick kjósi að nota hann frekar á miðjunni.
Chris Richards, tvítugur Bandaríkjamaður, hefur fengið að spreyta sig í hægri bakverðinum á upphafi tímabils en þykir ekki nægilega góður.
Sarr spilaði hátt upp í 200 leiki á fimm árum hjá Marseille en mun núna þurfa að sætta sig við aukahlutverk.
Miðjumaðurinn Michaël Cuisance gæti verið á leið til Marseille en Hansi Flick telur sig ekki hafa not fyrir hann.
Cuisance er 21 árs miðjumaður sem á rúmlega 60 leiki að baki fyrir yngri landslið Frakka.
#ServusBouna 👋@BounaSarr_10 wechselt zum #FCBayern. 🔴⚪
— FC Bayern München (@FCBayern) October 5, 2020
🔗 https://t.co/iCtUOiF0YK #MiaSanMia
Athugasemdir
