Brentford er búið að krækja í Valgeir Valgeirsson á lánssamningi frá HK sem gildir út tímabilið.

Brentford tapaði úrslitaleik umspils Championship deildarinnar í fyrra og mun Valgeir spila fyrir B-lið félagsins, líkt og Patrik Sigurður Gunnarsson hefur gert undanfarin ár. Patrik er í dag markvörður Viborg í Danmörku, að láni frá Brentford.

Brentford er með kauprétt á Valgeiri á næsta ári. Valgeir, sem er 18 ára, getur bæði spilað sem hægri bakvörður og kantur og er hann lykilmaður í liði HK.

„Ég er mjög ánægður að bæta gæðaleikmanni við hópinn, þetta er strákur sem hefur verið að spila fullorðinsbolta í einhvern tíma. Valgeir verður frábær viðbót við liðið þökk sé reynslunni sem hann hefur safnað," sagði Neil MacFarlane aðalþjálfari varaliðs Brentford.

„Ég tel mikið vera spunnið í Valgeir, við höfum séð hann eiga virkilega flottar rispur. Hann er leikmaður sem gefur allt fyrir liðið og mun smellpassa í þennan leikmannahóp."

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit