Lið vikunnar í enska - Luke Shaw og Casemiro

Markvörður: Nick Pope (Newcastle) - Hafði ekkert ofboðslega mikið að gera í markalausa jafnteflinu gegn Arsenal en var alltaf tilbúinn og gerði vel þegar á þurfti að halda.

Varnarmaður: Ethan Pinnock (Brentford) - Aðra umferðina í röð er hann í úrvalsliðinu. Átti frábæra frammistöðu þegar Brentford vann 3-1 sigur gegn Liverpool.

Varnarmaður: Cristian Romero (Tottenham) - Argentínski heimsmeistarinn hjálpaði Tottenham að halda hreinu þegar liðið vann 4-0 sigur gegn Crystal Palace.

Varnarmaður: Dan Burn (Newcastle) - Hefur átt stórgott tímabil.

Varnarmaður: Luke Shaw (Manchester United) - Skoraði gegn Borunemouth. Enski landsliðsmaðurinn hefur átt afskaplega gott tímabil og líka gert vel þegar hann hefur þurft að leysa af í miðverði.

Miðjumaður: Pascal Gross (Brighton) - Brighton sýndi frábæra frammistöðu og slátraði Everton 4-1. Markið hjá Gross var glæsilegt.

Miðjumaður: Casemiro (Manchester United) - Kom United á bragðið gegn Bournemouth. Brassinn hefur gert gæfumuninn síðan hann kom til United.

Miðjumaður: Kevin de Bruyne (Manchester City) - Sannur liðsmaður sem átti þátt í sigurmarkinu gegn Chelsea.

Sóknarmaður: Yoane Wissa (Brentford) - Bjó til alls konar vandamál fyrir vörn Liverpool og skoraði.

Sóknarmaður: Aleksandar Mitrovic (Fulham) - Kláraði frábærlega eftir sendingu frá Willian þegar hann skoraði sigurmarkið gegn Leicester. Serbinn geislar af sjálfstrausti.

Sóknarmaður: Harry Kane (Tottenham) - Ekkert minna en stórkostlegur í 4-0 sigrinum gegn Crystal Palace. Skoraði tvö mörk og var óstöðvandi í seinni hálfleik.