„Raunveruleikinn ekki alltaf eins og maður óskar sér“

Ruud van Nistelrooy stjóri Leicester segist ekki hafa verið hissa á skorti á getu félagsins til að styrkja leikmannahópinn í janúarglugganum.

Leicester, sem er í fallsæti ensku úrvalsdeildarinnar, þurfti að stíga varlega til jarðar í glugganum vegna fjárhagsreglna um hagnað og sjálfbærni.

Varnarmaðurinn Woyo Coulibaly var keyptur frá Parma á 3 milljónir punda og var eini leikmaðurinn sem Leicester fékk í janúar.