Lið vikunnar í enska - Samtals sjö frá Man City og Liverpool

Markvörður: Alisson (Liverpool) - Hélt hreinu í 7-0 sigrinum ótrúlega.

Varnarmaður: Nathan Ake (Manchester City) - Sýndi hversu öflugur og klókur varnarmaður hann er.

Varnarmaður: Wesley Fofana (Chelsea) - Sóknarmenn Chelsea eru ekkert að skora svo varnarmennirnir þurfa að stíga upp. Fofana skoraði sigurmarkið gegn Leeds, eina mark leiksins.

Varnarmaður: Andy Robertson (Liverpool) - Sýndi gamalkunna takta. Magnaður gegn ManU.

Miðjumaður: Bernardo Silva (Manchester City) - Skoraði gegn Newcastle. Manchester City má ekki misstíga sig neitt það sem eftir lifir tímabils.

Miðjumaður: Alexis Mac Allister (Brighton) - Brighton fór illa með West Ham og argentínski heimsmeistarinn Mac Allister var frábær. Skoraði af vítapunktinum.

Miðjumaður: Thomas Partey (Arsenal) - Kom Arsenal inn í leikinn eftir afleita byrjun gegn Bournemouth.

Miðjumaður: Phil Foden (Manchester City) - Þrjú mörk í þremur síðustu leikjum.

Sóknarmaður: Brennan Johnson (Nottingham Forest) - Skoraði 2-2 jöfnunarmarkið gegn Everton.

Sóknarmaður: Cody Gakpo (Liverpool) - Virtist í marga mánuði vera á leið til Manchester United en svo gekk hann í raðir Liverpool. Fór hamförum gegn United í gær og skoraði tvívegis.

Sóknarmaður: Mohamed Salah (Liverpool) - Þvílík frammistaða hjá Salah. Það var eins og hann hefði spólað til baka um nokkur ár.