Skoskir fjölmiðlar greina frá því að Steven Gerrard og lærisveinar hans í Rangers hafi boðist til að taka á sig 50% launalækkun til að bjarga rekstri félagsins svo það geti haldið áfram að borga öðru starfsfólki.
Það eru ekki aðeins Gerrard og leikmennirnir sem taka á sig launaskerðingu heldur einnig stjórnendur félagsins og þjálfarateymi aðalliðsins.
Skerðingin er þegar í gildi og verður næstu þrjá mánuði að minnsta kosti, eða út núverandi samningstímabil sem lýkur 30. júní.
Áhrif kórónuveirunnar á fjárhag knattspyrnufélaga er þegar orðinn mikill og hafa langflest félög helstu deilda Evrópu staðfest launaskerðingar leikmanna og starfsmanna.
Rangers hefur verið að gera góða hluti undir stjórn Gerrard og situr í öðru sæti skosku deildarinnar sem stendur, þrettán stigum eftir toppliði Celtic og með leik til góða.
Athugasemdir
