Aron Einar Gunnarsson.
Aron Einar Gunnarsson er kominn með leikheimild með Þór og getur spilað með uppeldisfélagi sínu gegn Njarðvík á laugardaginn næsta. Hann fékk leikheimild í dag.
Aron, sem hefur verið landsliðsfyrirliði Íslands, til margra ára, var tilkynntur sem nýr leikmaður Þórs í síðustu viku.
Aron, sem hefur verið landsliðsfyrirliði Íslands, til margra ára, var tilkynntur sem nýr leikmaður Þórs í síðustu viku.
Aron Einar er 35 ára gamall, uppalinn Þórsari, en það hefur alltaf verið markmið hans að klára ferilinn hjá Þór. Hann skoðar þó möguleikann á að fara á lán erlendis fyrir lok félagaskiptagluggans í byrjun september.
„Vonandi get ég tekið þátt í eins mörgum leikjum og ég get fyrir Þór og svo sjáum við hvað gerist í framhaldinu," sagði Aron Einar við Fótbolta.net á dögunum en meiðsli hafa verið að plaga hann að undanförnu.
Draumar Arons eru á þá leið að hann geti hjálpað liðinu að snúa genginu við og hjálpi því að komast í umspilssæti. Hann haldi þá erlendis í lok félagaskiptagluggans í Evrópu í september og taki veturinn þar til að geta einnig haldið landsliðsferlinum gangandi.
Þór á sex leiki fram að því að félagaskiptaglugginn í Evrópu lokar. Alls eru sjö leikir eftir af tímabilinu og við tekur umspil ef allt gengur að óskum á endasprettinum hjá Þórsurum.
Athugasemdir
