María í leik með Linköping
María Catharina Ólafsdóttir Gros og stöllur hennar í Lindköping eru komnar áfram í riðlakeppni sænska bikarsins eftir að hafa unnið Örebro, 4-2, eftir framlengingu.
María var í byrjunarliði Linköping en var tekin af velli í hálfleik.
Linköping tókst að snúa taflinu við í síðari hálfleik en undir lok leiksins jafnaði Örebro.
Í framlengingunni skoraði Linköping tvö og tryggði um leið farseðilinn í riðlakeppni bikarsins sem fer fram í byrjun næsta árs.
Linköping hefur fimm sinnum unnið bikarinn en á næsta ári verða tíu ár liðin frá því bikarinn fór síðast á loft.
Athugasemdir
