ÍA er búið að krækja sér í varnarmanninn Tobias Stagaard á lánssamningi sem gildir út tímabilið.
Stagaard er tvítugur varnarmaður sem kemur úr röðum Horsens í Danmörku.
Hann spilaði sex leiki með aðalliðinu á síðustu leiktíð, þrisvar sinnum kom hann inn af bekknum í deildinni og svo spilaði hann tvo heila bikarleiki auk þess að koma einu sinni af bekknum.
Horsens vann dönsku B-deildina í vor og mun því spila í efstu deild í haust.
Það verður áhugavert að sjá hvort Stagaard takist að ryðja sér leið inn í byrjunarlið Skagamanna sem hefur ekki gengið vel að halda boltanum úr eigin neti.
Skagamenn eru í fallbaráttu Bestu deildarinnar með 8 stig eftir 11 umferðir og 22 mörk fengin á sig.
Athugasemdir