Lestu um leikinn: Þór 1 -  3 Keflavík

„Eins og allir vita, þá breyta mörk leikjum mikið, þannig að þetta var erfitt og það er mjög erfitt að vinna fótboltaleiki þegar að við lekum auðveldlega svona mörkum. Sérstaklega á heimavelli. Ömurlegt.''

Þórsarar komu sér nokkrum sinnum í álitlegar stöður en strönduðu oftar en ekki á Sindra Kristni i marki Keflavíkur.

„Já, mörk auðvitað breyta leikjum. Klárlega gat Þórsliðið skorað 3-4 mörk í dag. Hann varði tvisvar geggjaðslega vel en það þýðir bara ekkert að væla yfir því. Mörk telja í fótbolta og að er það sem skiptir máli. Þau láku inn hinu megin.''

Hann hélt áfram:

„Erfitt þegar maður sér að liðið er í gírnum og við byrjum leikinn, komumst yfir en svo hálfpartinn deyr leikurinn hérna á smá kafla með einhverju klafsi og seinni bolta inní boxi og mark. Auðvitað fer hausinn langt ofan í bringu og erfitt kannski að rífa allt liðið upp eftir það''

Þórsarar eru nú 7 stigum frá 2. sæti og ekki útlit fyrir að þeir spili í Pepsi Max deildinni á næsta ári.

„Við erum eiginlega búnir að stimpla okkur út, ef að menn hafi einhverntímann verið með það í kollinum að við værum að blanda okkur af alvöru í þessa toppbaráttu. Ég held að það hafi nú farið mesti sjarminn af því í dag og við þurfum þá bara að fókusa á að klára þetta mót eins og menn, eða bara fara heim að grenja,'' sagði Páll að lokum.

Viðtalið má sjá í heild sinni í spilaranum hér að ofan.