Erik ten Hag var spurður út í Anthony Martial sem hefur verið mikið meiddur á undanförnum árum. Martial er aðeins búinn að spila 9 úrvalsdeildarleiki fyrir Manchester United á tímabilinu.
Ten Hag hefur þó miklar mætur á framherjanum fjölhæfa sem hefur tekist að skora þrisvar og gefa tvær stoðsendingar í þessum níu leikjum.
„Hann hefur ekki ennþá verið í 100% ástandi á þessu tímabili en hefur samt verið að breyta leikjum þegar hann getur spilað. Við notum hann þó hann sé bara í 80, 85 eða 90% líkamsástandi því hann er mikilvægur. Við erum að gera okkar besta til að halda honum við góða heilsu og hann sömuleiðis," sagði Ten Hag á fréttamannafundi fyrir úrvalsdeildarleik kvöldsins gegn Leeds United.
„Ég held að Anthony sé sá leikmaður sem hefur eytt mestum tíma af öllum á æfingasvæðinu þetta tímabilið. Hann er að leggja allt sem hann getur í þetta en hefur orðið fyrir miklum vonbrigðum. Markmiðið er að hjálpa honum að jafna sig endanlega af þessum meiðslavandræðum því þetta má ekki verða að rútínu. Við þurfum á honum að halda."
Martial hefur verið mikið notaður sem fremsti sóknarmaður hjá Man Utd eftir að hafa verið meiri kantmaður áður fyrr.
Martial er 27 ára gamall og á eitt ár og hálft ár eftir af samningi sínum við Rauðu djöflana, sem er þó með innbyggðum möguleika á eins árs framlengingu.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 37 | 25 | 7 | 5 | 69 | 26 | +43 | 82 |
| 2 | Man City | 37 | 23 | 9 | 5 | 76 | 33 | +43 | 78 |
| 3 | Man Utd | 37 | 19 | 11 | 7 | 66 | 50 | +16 | 68 |
| 4 | Aston Villa | 37 | 18 | 8 | 11 | 54 | 48 | +6 | 62 |
| 5 | Liverpool | 37 | 17 | 8 | 12 | 62 | 52 | +10 | 59 |
| 6 | Bournemouth | 37 | 13 | 17 | 7 | 57 | 53 | +4 | 56 |
| 7 | Brighton | 37 | 14 | 11 | 12 | 52 | 43 | +9 | 53 |
| 8 | Chelsea | 37 | 14 | 10 | 13 | 57 | 50 | +7 | 52 |
| 9 | Brentford | 37 | 14 | 10 | 13 | 54 | 51 | +3 | 52 |
| 10 | Sunderland | 37 | 13 | 12 | 12 | 40 | 47 | -7 | 51 |
| 11 | Newcastle | 37 | 14 | 7 | 16 | 53 | 53 | 0 | 49 |
| 12 | Everton | 37 | 13 | 10 | 14 | 47 | 49 | -2 | 49 |
| 13 | Fulham | 37 | 14 | 7 | 16 | 45 | 51 | -6 | 49 |
| 14 | Leeds | 37 | 11 | 14 | 12 | 49 | 53 | -4 | 47 |
| 15 | Crystal Palace | 37 | 11 | 12 | 14 | 40 | 49 | -9 | 45 |
| 16 | Nott. Forest | 37 | 11 | 10 | 16 | 47 | 50 | -3 | 43 |
| 17 | Tottenham | 37 | 9 | 11 | 17 | 47 | 57 | -10 | 38 |
| 18 | West Ham | 37 | 9 | 9 | 19 | 43 | 65 | -22 | 36 |
| 19 | Burnley | 37 | 4 | 9 | 24 | 37 | 74 | -37 | 21 |
| 20 | Wolves | 37 | 3 | 10 | 24 | 26 | 67 | -41 | 19 |
