Alexander Aron Davorsson þjálfari Aftureldingar í Bestu deild kvenna kom í viðtal eftir 1-2 tap liðsins gegn Þór/KA í Mosfellsbænum í dag.
"Ég sé þennan leik þannig að við vorum hörku góðar og geggjuð frammistaða hjá liðinu úti á vellinum og við opnuðum þær trekk í trekk en nýttum ekki færin okkar og ein hornspyrna og þær vinna leikinn. "
Lestu um leikinn: Afturelding 1 - 2 Þór/KA
Leikurinn var jafn og spennandi og bæði lið hefðu getað stolið sigrinum.
"Já, þetta er svolítið svekkjandi, það kom einn til mín eftir leikinn og sagði við mig þið takið boltann heim en Þór/KA taka stigin, það svona "súmmerar" þennan leik svolítið. "
Margir leikmenn Aftureldingar voru ekki með í leiknum í dag vegna meiðsla, Alexander Aron hafði þetta um meiðsla vandræði liðsins að segja:
"Staðan er bara þannig að leikmennirnir sem eru að spila núna er bara liðið okkar sko. Það er ekkert hægt að vera bíða og bíða, þannig að þetta er bara liðið sem við erum að tefla fram og hinir leikmennirnir koma bara þegar þær eru klárar og á meðan það er ekki svo þá keyrum við á okkar liði."
Viðtalið má sjá í heild sinni í spilaranum hér að ofan.
