Fótbolti.net

fös 08. september 2017 15:55

Magnús Már Einarsson

Steindi spáir í leiki helgarinnar á Englandi

Edda Björgvins og Steindi eru í stórum hlutverkum í ,,Undir trénu."

Mynd: Úr einkasafni

Manchester City burstar Liverpool samkvæmt spáni.

Mynd: Fótbolti.net - Hafliði Breiðfjörð

Viðar Skjóldal, enski, var með fimm rétta þegar hann spáði í síðustu umferð í ensku úrvalsdeildinni.

Steinþór Hróar Steinþórsson, Steindi Jr., spáir í leikina að þessu sinni.

Steindi er í aðalhlutverki í kvikmyndinni „Undir trénu" sem er nú sýnd í kvikmyndahúsum.

Manchester City 5 - 0 Liverpool (11:30 á morgun)
Það er allt búið að vera í apaskít hjá Liverpool mönnum. Svanþór Einarsson, fasteignasali og vinur minn úr Mosfellsbæ, er mikill púllari og hann hefur misst alla trú á sínum mönnum.

Arsenal 9 - 0 Bournemouth (14:00 á morgun)
Þetta er í fyrsta skipti sem ég heyri einhvern mann segja Bournemouth. Mér finnst þetta hljóma meira eins og eftirréttur heldur en fótboltalið.

Brighton 2 - 0 WBA (14:00 á morgun)
Ég verð að gefa Brighton þetta. Ég fór til Brighton fyrir stuttu. Það er mjög góður andi þar og mér leist vel á borgina. Ég borðaði indverskan mat sem fór vel í mig og blandaði geði við innfædda.

Everton 3 - 1 Tottenham (14:00 á morgun)
Ég hef alltaf séð sjálfan mig svolítið í Gylfa. Hann minnir mig á sjálfan mig þegar ég mæti á æfingar hjá Hvíta Riddaranum. Ég held að þetta verði mjög þægilegur leikur fyrir Gylfa og félaga.

Leicester 0 - 1 Chelsea (14:00 á morgun)
Þetta eru meistarar síðustu tveggja ára. Ég spái mjög hörðum leik og jafnvel alvarlegum meiðslum.

Southampton - Watford (14:00 á morgun)
Ég held að þessi leikur verði ekki spilaður. Þessum leik verður frestað. Ég hef samt alltaf verð lúmskur Southampton maður og þeir klára þetta næst þegar þessi lið eigast við.

Stoke 1 - 0 Manchester United (16:30 á morgun)
Lukaku mætir ryðgaður til leiks og skorar sjálfsmark á fyrstu mínútunum. Þetta mun brjóta liðsandann niður og þetta verður mjög erfitt fyrir rauðu djöflana eftir það. Pogba fær rauða spjaldið fyrir mas við dómarann í síðari hálfleik.

Burnley 3 - 0 Crystal Palace (12:30 á sunnudag)
Ég og Jói Berg erum mjög góðir counter-strike félagar. Það var kannski ágætt að hann lagði það á hilluna og tók fótboltann í staðinn. Hann kemur gríðarlega sterkur inn og skorar þrennu í þessum leik.

Swansea 0 - 11 Newcastle (15:00 á sunnudag)
Newcastle menn svitna ekki einu sinni í þessum leik. Ef Alan Shearer og Andy Cole væru með þá væri Newcastle meistari nú þegar. Þessi leikur myndi fara 24-0 ef þeir væru með enda er Alan Shearer besti leikmaður sem uppi hefur verið.

West Ham 0 - 2 Huddersfield (19:00 á mánudag)
Nýliðarnir halda áfram að koma á óvart og rúlla yfir West Ham. Steve Mounie, frá Benín, mun pressa mikið í leiknum og skora mark sem hann fagnar með því að rífa sápukúlur af stuðningsmanni West Ham. Mér hefur alltaf fundist West Ham vera rest og rusl í deildinni. Þeir eru bara heppnir að fá að spila á móti Steve.

Fyrri spámenn:
Gummi Ben (5 réttir)
Viðar Skjóldal - Enski (5 réttir)
Gunnar Heiðar Þorvaldsson (3 réttir)

		L	U	J	T	ms:	mf:	mun	Stig
1	Arsenal	34	24	5	5	82	26	+56	77
2	Man City	33	23	7	3	80	32	+48	76
3	Liverpool	34	22	8	4	75	34	+41	74
4	Aston Villa	34	20	6	8	71	50	+21	66
5	Tottenham	32	18	6	8	65	49	+16	60
6	Man Utd	33	16	5	12	51	50	+1	53
7	Newcastle	33	15	5	13	69	54	+15	50
8	West Ham	34	13	9	12	54	63	-9	48
9	Chelsea	32	13	8	11	61	57	+4	47
10	Bournemouth	34	12	9	13	49	60	-11	45
11	Brighton	33	11	11	11	52	54	-2	44
12	Wolves	34	12	7	15	46	54	-8	43
13	Fulham	34	12	6	16	50	54	-4	42
14	Crystal Palace	34	10	9	15	44	56	-12	39
15	Brentford	34	9	8	17	52	59	-7	35
16	Everton	34	11	8	15	36	48	-12	33
17	Nott. Forest	34	7	9	18	42	60	-18	26
18	Luton	34	6	7	21	47	75	-28	25
19	Burnley	34	5	8	21	37	69	-32	23
20	Sheffield Utd	34	3	7	24	33	92	-59	16