Chelsea hefur verið sektað um 25 þúsund pund, að andvirði tæplega 4,4 milljóna íslenskra króna, fyrir að hafa ekki stjórn á leikmönnum sínum í jafnteflinu gegn Liverpool í ensku úrvalsdeildinni.

Liverpool og Chelsea mættust fyrir landsleikjahlé og var þar niðurstaðan 1-1 jafntefli.

Leikmenn Chelsea voru brjálaðir undir lok fyrri hálfleiks þegar Anthony Taylor, dómari leiksins, dæmdi víti eftir VAR-skoðun. Hann gaf einnig Reece James rauða spjaldið þar sem hann varði boltann á línunni.

Taylor fékk að heyra það lengi vel og því fær Chelsea sekt. Þetta mun þó örugglega ekki hafa stór áhrif á fjárhag félagsins.

Það var rætt ítarlega um leik Liverpool og Chelsea í Enski boltinn um daginn. Hægt er að hlusta á hlaðvarpið í heild sinni hér að neðan.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit