Enginn leikmaður Wenger í byrjunarliðinu í fyrsta sinn síðan 1986

Það var í fyrsta sinn síðan 1986 sem enginn leikmaður sem hefur spilað undir stjórn Arsene Wenger var í byrjunarliði Arsenal. Það gerðist síðast 22. janúar 1986, tíu árum fyrir stjórnartíð Wenger, þegar Arsenal spilaði við Aston Villa í deildabikarnum.

Til gamans má þó geta að Arteta, knattspyrnustjóri Arsenal, lék undir stjórn Wenger og var fyrirliði á sínum tíma.

Hinn fertugi Arteta, sem verður 41 árs síðar í mars, gæti orðið yngsti stjórinn til að vinna ensku úrvalsdeildina frá upphafi ef Arsenal tekst að fara alla leið í titilbaráttunni. Stjórar á borð við Kenny Dalglish og Brian Clough, sem unnu efstu deildina á Englandi löngu fyrir fertugsafmælið sitt, eru ekki taldir með, enda gerðist það fyrir stofnun ensku úrvalsdeildarinnar.