Lið vikunnar í enska - Alexander-Arnold og þrír frá Man City

Markvörður: Aaron Ramsdale (Arsenal) - Enn ein frábæra frammistaðan frá honum. Besti maður vallarins í 2-2 jafnteflinu gegn Liverpool og kom í veg fyrir að liðið tapaði á Anfield.

Varnarmaður: Trent Alexander-Arnold (Liverpool) - Gerði frábærlega þegar hann lagði upp jöfnunarmarkið fyrir Roberto Firmino en Crooks var þó alveg sama um varnarvinnu hans því sóknarlega er hann algjört vopn.

Varnarmaður: Nathan Ake (Man City) -Búinn að vera sterkur í vörn Man City á tímabilinu og bauð upp á aðra góða frammistöðu gegn Southampton. Ákvarðanatökurnar eru geggjaðar og verður bara betri og betri.

Varnarmaður: Kurt Zouma (West Ham) - Einn af bestu mönnum liðsins í 1-0 sigrinum á Fulham. David Moyes gerði rétt að halda honum í liðinu eftir 5-1 tapið gegn Newcastle í miðri viku.

Miðjumaður: Jack Grealish (Man City) - Margir efuðust Grealish og hans hæfileika því hann var ekki nógu duglegur að skora og leggja upp, en hann er nú búinn að bæta upp fyrir það. Skoraði og lagði upp gegn Southampton og er á eldi þessa stundina.

Miðjumaður: Scott McTominay (Man Utd) - Verið mikið gagnrýndu en hann sýndi það á móti Everton að það eru gæði í honum. Frábær á miðsvæðinu.

Miðjumaður: Matheus Nunes (Wolves) - Skoraði stórkostlegt sigurmark á móti Chelsea og átti góðan leik.

Miðjumaður: Michael Olise (Crystal Palace) - Lagði upp þrjú mörk gegn Leeds. Þarf að segja eitthvað meira? Sá franski búinn að vera flottur á tímabilinu.

Sóknarmaður: Erling Braut Haaland (Man City) - Haaland skoraði tvö og seinna markið úr bakfallsspyrnu. Kominn með 30 mörk á fyrsta tímabili.

Sóknarmaður: Gabriel Jesus (Arsenal) - Jesus er mikill páskamaður. Skoraði á móti Liverpool og tvö gegn Leeds í vikunni. Hann er mættur aftur!

Sóknarmaður: Heung-Min Son (Tottenham) - Gerði glæsilegt mark í 2-1 sigrinum á Brighton. Ekki verið hans besta tímabil en hefur þó sýnt snilli sína inn á milli.