Sterkasta lið 13. umferðar - Sex úr átta marka veislu Skagamanna

13. umferð Bestu deildarinnar lauk í gær en lið umferðarinnar er klárlega ÍA. Skagamenn héldu upp á írska daga með því að slátra HK 8-0 en ekkert af liðunum fyrir neðan þá gulu náði að vinna sinn leik.

Viktor Jónsson skoraði fjögur mörk í leiknum, Jón Gísli Eyland Gíslason tvö og þeir Erik Tobias Sandberg og Johannes Vall komust einnig á blað. Þeir eru allir í Sterkasta liði umferðarinnar í boði Steypustöðvarinnar, eins og líka Árni Marinó Einarsson markvörður.

Það er vel við hæfi að setja sem flesta Skagamenn í liðið og velja svo Jón Þór Hauksson sem þjálfara umferðarinnar.