Samkvæmt heimildum Fótbolta.net hafa erlend félög, m.a. frá Noregi og Svíþjóð, áhuga á Loga Hrafni Róbertssyni, leikmanni FH.
Í Svíþjóð var fjallað um áhuga Hammarby á kappanum en ekki er víst hvort að Hammarby sé eitt af félögunum sem eru með augastað á FH-ingnum.
Í Svíþjóð var fjallað um áhuga Hammarby á kappanum en ekki er víst hvort að Hammarby sé eitt af félögunum sem eru með augastað á FH-ingnum.
Logi er tvítugur varnarsinnaður miðjumaður sem getur einnig spilað sem miðvörður. Hann býr yfir mikilli reynslu þrátt fyrir ungan aldur og er algjör lykilmaður í liði FH.
Hann er byrjunarliðsmaður í U21 landsliðinu og lék sinn fyrsta A-landsleik í janúar. Logi verður samningslaus í lok árs.
Fótbolti.net ræddi um Loga við Davíð Þór Viðarsson í dag. Er komið eitthvað meira en bara áhugi?
„Ég vil ekki mikið tjá mig um einstaka leikmann hvort það sé komið tilboð eða ekki. Það er áhugi á honum sem er mjög eðlilegt, hann er búinn að spila mjög vel í ár og undanfarin ár. Ég vona persónulega sjálfur að hann komist í atvinnumannaumhverfi á næstuninn, en ég vonast líka til þess að við getum haldið honum allavega út tímabilið og að hann geti hjálpað okkur í þessari baráttu sem við erum í," segir Davíð.
Orri Rafn Sigurðarson, sem fylgist vel með íslenskum fótbolta, segir í færslu á X að FH hafi fengið tilboð frá Króatíu í Loga.
FH svöruðu???? - Það er tilboð á borðinu í Loga.
Heimildir frá Íslandi og Svíþjóð segja Hammarby meðal liða sem hafa áhuga en Sporting director Bajen neitar fyrir það.Tilboðið sem FH hefur fengið í Loga Hrafn Róbertsson er frá Króatíu ???????? #fotboltinet
— Orri Rafn Sigurdarson (@OrriRafn) August 9, 2024
Athugasemdir
