Leikmenn og þjálfarar Dortmund hafa ekki farið sparlega með hrósin á Moukoko en Erling Braut Haaland, framherji Dortmund, er einn þeirra sem dásamar leikmanninn í fjölmiðlum.

Hann hefur spilað með yngri liðum Dortmund á þessu tímabili og komið verulega á óvart en auk þess hefur hann æft með aðalliði félagsins síðan í janúar.

Moukoko fær ekki heimild til að spila fyrir liðið fyrr en 20. nóvember en þá verður hann 16 ára gamall. Reglurnar þar í landi kveða á um að leikmenn verða að hafa náð 16 ára aldri til að spila í deild- og bikar.

Fyrsti leikur hans gæti því komið gegn Herthu Berlín þann 21. nóvember en Hans-Joachim Watzke, framkvæmdastjóri Dortmund, ræddi Moukoko við fjölmiðla í dag.

„Hann er með mörk í genunum. Hvort sem hann er að skora þrjú eða fjögur mörk í leik með U19 ára liðinu eða ekki þá er hann að gera þetta reglulega og þá er hann hundrað prósent með mörk í genunum," sagði Watzke.

„Það er undir þjálfaranum komið hvenær hann fær að spila. Hann verður yngstur frá upphafi en við verðum að passa að keyra hann ekki út. Þetta hentar vel að hafa hann í aðalliðinu ef Haaland þarf smá hvíld þá mun Favre prufa Youssoufa," sagði hann ennfremur,