Berglind Björg Þorvaldsdóttir.
„Fyrstu viðbrögð núna er að þetta er fúlt. Við hefðum klárlega getað klárað þenna leik," sagði sóknarmaðurinn Berglind Björg Þorvaldsdóttir, sóknarmaður Íslands, eftir jafntefli gegn Belgíu eftir fyrsta leik á EM.
„Þetta er enginn heimsendir samt."
„Þetta er enginn heimsendir samt."
Lestu um leikinn: Belgía 1 - 1 Ísland
Berglind klikkaði á vítaspyrnu í fyrri hálfleiknum. „Ég ætlaði að setja boltann í netið og það gekk ekki upp í dag."
Leikmenn Ísland fóru beint upp að Berglindi og hughreystu hana eftir vítaspyrnuna. „Þetta eru bestu liðsfélagar í heimi. Þær eru frábærar."
Berglind svaraði vel í seinni hálfleiknum, með því að skora fyrsta mark Íslands á mótinu. „Ég sagði í hálfleik að ég ætlaði að bæta upp fyrir þetta. Það gerðist og það er geggjað."
Móðir Berglindar er sextug í dag og hún var í stúkunni. „Það hefði verið geggjað að gefa henni sigur í afmælisgjöf, en jafntefli og mark frá dóttur sinni - hún hlýtur að fara sátt að sofa."
Hægt er að sjá allt viðtalið hér að ofan.
Athugasemdir
