Newcastle United hefur áhuga á Nicolas Jackson sem nýjum framherja ef Alexander Isak verður seldur til Liverpool fyrir gluggalok.
08.08.2025 22:44
Nicolas Jackson biður um að ræða við önnur félög
PA greinir þó frá því að Newcastle ætli ekki að leggja fram tilboð í Jackson fyrr en viðræður um Isak eru komnar lengra.
Newcastle hafnaði 110 milljón punda tilboði frá Liverpool fyrr í sumar og er talið að félagið vilji fá 150 milljónir til að selja sænsku markavélina.
Samkvæmt frétt PA ætlar Newcastle ekki að hreyfa sig í leit sinni að arftaka fyrir Isak fyrr en nægilega gott tilboð berst í framherjann.
Isak er ekki að æfa með liðsfélögum sínum í Newcastle sem stendur þar sem hann fór fram á sölu frá félaginu. Það er ekki búist við að hann muni taka þátt í leikjum Newcastle í ágúst.
09.08.2025 11:08
Howe: Getum ekki haft Isak í kringum liðið
Newcastle reyndi að kaupa Benjamin Sesko úr röðum RB Leipzig fyrr í mánuðinum en leikmaðurinn kaus að fara frekar til Manchester United.
24 ára Jackson vill skipta um félag vegna aukinnar samkeppni um byrjunarliðssæti í fremstu víglínu hjá Chelsea eftir að félagið keypti Joao Pedro og Liam Delap inn í sumar.
Chelsea er reiðubúið til að selja hann fyrir rétt verð, en Jackson hefur verið að æfa einn síns liðs á undirbúningstímabilinu.
Jackson var ekki með í sigri í æfingaleik gegn Bayer Leverkusen á föstudaginn og er heldur ekki með í æfingaleik gegn AC Milan í dag.
Hann kom að 19 mörkum í 37 leikjum með Chelsea á síðustu leiktíð.
09.08.2025 18:51
Howe: Ég vil vera með leikmenn sem vilja spila fyrir félagið
Athugasemdir
