Viktor Gyökeres skoraði sitt fyrsta mark fyrir Arsenal í dag þegar hann skoraði með skalla í 3-0 sigri gegn Athletic Bilbao í úrslitum Emirates-bikarsins.
Gyökeres gekk til liðs við Arsenal í sumar frá Sporting en hann skoraði 97 mörk í 102 leikjum fyrir Sporting. Mikel Arteta, stjóri Arsenal, varaði önnur lið við Gyökeres eftir leikinn í dag.
„Allt sem hann gerir, hreyfingarnar, hvernig hann tímasetur hlaupin, hvernig hann sér fyrir sér næstu skref, hvar plássið er og hvert boltinn er að fara, það er eðlið sem hann hefur. Þess vegna hefur hann skorað svona mörg mörk, það er engin tilviljun," sagði Arteta.
„Þegar þú gefur honum pláss einn á móti einum þá mun hann rúasta þér. Hann mun búa til mikið pláss fyrir okkur og það verður alltaf maður á réttum stað til að skora mörk."
Athugasemdir
