Krstovic er með tvö ár eftir af samningi sínum við Lecce. Hann er fastamaður í landsliði Svartfjallalands og hefur skorað 6 mörk í 24 leikjum fyrir þjóð sína.
Svartfellingurinn Nikola Krstovic er búinn að fara fram á sölu frá Lecce í ljósi mikils áhuga á honum frá stórliðum úr Serie A.
Krstovic er 25 ára Svartfellingur sem átti mjög stóran þátt í því að bjarga Lecce frá falli úr Serie A á síðustu leiktíð.
Hann kom að 17 mörkum í 38 leikjum á tímabilinu og vakti verðskuldaða athygli á sér. AC Milan, Inter, Roma, Juventus og Leeds United hafa öll verið orðuð við leikmanninn.
Ítalskir fjölmiðlar segja að Lecce hafi hafnað rúmlega 20 milljón evru tilboði frá Milan í byrjun sumars. Talið er að félagið vilji 30 til 40 milljónir fyrir framherjann sinn.
„Nikola Krstovic vill yfirgefa félagið og hefja nýjan kafla á ferlinum," staðfesti Sticchi Damiani, forseti Lecce.
Athugasemdir
