Liverpool undirbýr mettilboð í Alexander Isak - Rasmus Höjlund nálgast Napoli
   sun 10. ágúst 2025 07:00
Ívan Guðjón Baldursson
3. deild: Toppliðin sigruðu - Sandgerðingar dragast afturúr
Mynd: Fótbolti.net - Sævar Geir Sigurjónsson
Mynd: Helgi Þór Gunnarsson
Það fóru fjórir leikir fram í 3. deildinni í gær þar sem toppliðin sigruðu sína leiki.

Magni trónir í toppsætinu eftir góðan sigur á KV þar sem heimamenn komust í þriggja marka forystu í Grenivík. Gestirnir úr Vesturbænum gáfu þeim þó leik á lokakaflanum og minnkuðu muninn niður í eitt mark áður en Númi Kárason innsiglaði sigur Magna í uppbótartíma. Lokatölur 4-2.

Það var mikið um rauð spjöld í leikjum gærdagsins og kláruðu leikmenn KV leikinn einum færri. Þeir misstu mann af velli á lokakaflanum en tókst þrátt fyrir það að minnka muninn niður í eitt mark til að setja spennu í þetta.

Hvíti riddarinn er í öðru sæti, einu stigi á eftir Magna, eftir sigur gegn níu leikmönnum Sindra. Fallbaráttuliðið reyndist Mosfellingum erfitt en Trausti Þráinsson skoraði eina mark leiksins á lokakaflanum eftir að tveir heimamenn höfðu verið reknir af velli.

Reynir Sandgerði hefur dregist afturúr í toppbaráttunni og er núna níu stigum frá toppsætinu eftir jafntefli við fallbaráttulið Ýmis.

Að lokum rúllaði KF yfir botnlið ÍH til að fjarlægjast fallsvæðið. Nathan Yared var markahæstur með tvennu í sex marka sigri og er KF núna fimm stigum fyrir ofan fallsæti.

Magni 4 - 2 KV
1-0 Viðar Már Hilmarsson ('6 )
2-0 Alexander Ívan Bjarnason ('36 )
3-0 Sigurður Brynjar Þórisson ('67 )
3-1 Eyþór Daði Kjartansson ('73 )
3-2 Samúel Már Kristinsson ('84 )
4-2 Númi Kárason ('91 )
Rautt spjald: Jóhannes Sakda Ragnarsson , KV ('81)

Sindri 0 - 1 Hvíti riddarinn
0-1 Trausti Þráinsson ('82 )
Rautt spjald: Adam Zriouil , Sindri ('70)
Rautt spjald: Oskar Karol Jarosz , Sindri ('75)

Ýmir 1 - 1 Reynir S.
1-0 Steingrímur Dagur Stefánsson ('55 )
1-1 Ólafur Darri Sigurjónsson ('90 )
Rautt spjald: Steinn Logi Gunnarsson , Ýmir ('93)

ÍH 0 - 6 KF
0-1 Agnar Óli Grétarsson ('24 , Mark úr víti)
0-2 Nathan Yared ('32 )
0-3 Nathan Yared ('36 )
0-4 Hjörvar Már Aðalsteinsson ('49 )
0-5 Vitor Vieira Thomas ('87 )
0-6 Jóhannes Helgi Alfreðsson ('90 )
3. deild karla
Lið L U J T Mörk mun Stig
1.    Magni 19 14 2 3 53 - 21 +32 44
2.    Hvíti riddarinn 19 14 1 4 55 - 28 +27 43
3.    Augnablik 20 12 5 3 47 - 26 +21 41
4.    Reynir S. 20 9 5 6 45 - 44 +1 32
5.    Tindastóll 19 9 2 8 43 - 33 +10 29
6.    KV 19 8 4 7 60 - 44 +16 28
7.    Árbær 19 8 4 7 43 - 43 0 28
8.    Ýmir 19 5 6 8 31 - 33 -2 21
9.    KF 19 5 5 9 34 - 33 +1 20
10.    Sindri 19 5 4 10 30 - 41 -11 19
11.    KFK 20 5 3 12 26 - 48 -22 18
12.    ÍH 20 1 1 18 27 - 100 -73 4
Athugasemdir
banner
banner