Undankeppni HM: Firmino á skotskónum - Messi komið að 1000 mörkum

Brasilía valtaði yfir Bólivíu í lokaleik fyrstu umferðar sem leikinn var í nótt. Roberto Firmino skoraði tvö mörk fyrir Brasilíu og gleður það eflaust stuðningsmenn Liverpool því Firmino hefur skorað lítið á Englandi. Marquinhos og Coutinho skoruðu þá sitt hvort markið og eitt markið var sjálfsmark.

Luis Muriel, framherji Atalanta, skoraði tvö mörk í sigri Kólumbíu á Venesúela í gærkvöldi. Duvan Zapata skoraði einnig í leiknum.

Argentína vann Ekvador 1-0 á fimmtudagskvöld og var það Lionel Messi sem skoraði eina mark leiksins úr vítaspyrnu. Markið var þúsundasta aðkoma Messi að marki í opinberum keppnisleik á ferlinum. Aðkoma að marki er annað hvort skorað mark eða stoðsending.

Luis Suarez og Maximiliano Gomez skoruðu mörk Úrúgvæ í 2-1 sigri á Síle í stórleik fyrstu umferðar. Alexis Sanchez skoraði mark Síle.

Í fyrsta leik umferðarinnar gerðu svo Paragvæ og Perú 2-2 jafntefli. Angel Romero skoraði bæði mörk Paragvæa og Andre Carillo bæði mörk Perú.

Brasilíka 5 - 0 Bólivía

Kólumbía 3 - 0 Venesúela

Argentína 1 - 0 Ekvador

#OJOALDATO - Con su tanto ante Ecuador, Messi llega a los MIL GOLES con participación directa (marcando o asistiendo) en su carrera profesional.

👉 Barcelona: 634 goles y 255 asistencias.
👉 Argentina: 71 goles y 40 asistencias.

TOTAL: 705 goles + 295 asistencias = 1000 pic.twitter.com/OBeKZDSaJG

— MisterChip (Alexis) (@2010MisterChip) October 9, 2020

Úrúgvæ 2 - 1 Síle

Paragvæ 2 - 2 Perú