Landsliðsmarkvörðurinn Ögmundur Kristinsson varð í dag grískur meistari í fótbolta.
Olympiakos tryggði sér sinn 46. meistaratitil með sigri gegn Panathinaikos í dag, 3-1. Ögmundur var á varamannabekknum hjá Olympiakos.
Ögmundur hefur ekkert spilað með Olympiakos í deildinni en hann hefur spilað leiki liðsins í bikarnum.
Olympiakos hefur verið með yfirburði í deildinni á þessu ári. Það eru enn sjö umferðir eftir.
Þetta er annar meistaratitill Olympiakos í röð.
Sverrir Ingi Ingason lék í dag allan leikinn fyrir PAOK í 1-1 jafntefli gegn Asteras Tripolis. PAOK er í þriðja sæti.
Athugasemdir
