Roma er í góðri stöðu eftir fyrri leikinn í undanúrslitum Evrópudeildar UEFA í kvöld en liðið vann góðan heimasigur á Bayer Leverkusen með marki Edoardo Bove. Í hinum leiknum gerðu Juventus og Sevilla jafntefli.
Juventus 1 - 1 Sevilla
0-1 Youssef En-Nesyri ('26)
1-1 Federico Gatti ('97)
Juventus getur prísað sig sæla að hafa fengið eitthvað út úr heimaleiknum sínum gegn Sevilla frá Spáni því heimamenn komust yfir á 26. mínútu með marki Youssef En-Nesyri.
Það virtist ætla að verða lokastaðan í leiknum en Federico Gatti skoraði skallamark í blálokin, þegar rúmar sex mínútur voru komnar fram yfir venjulegan leikmtíma eftir góðan undirbúning Paul Pogba.
Roma 1 - 0 Bayer Leverkusen
1-0 Edoardo Bove ('63 )
Í Rómarborg var bara eitt skorað þegar heimamenn fengu þýska liðið Bayer Leverkusen í heimsókn.
Edouardo Bove fylgdi þá vel eftir í kjölfar þess að skot Tammy Abraham hafði verið varið. Þetta var fyrsta Evrópumark Bove og tryggði þeim sigur, 1-0.
Seinni leikirnir fara fram í næstu viku en úrslitaleikurinn fer svo fram í Búdapest á Puskas Arena 31. maí næstkomandi.