fim 11. maí 2023 08:40
Elvar Geir Magnússon
Ugarte orðaður við Liverpool - Man Utd fylgist með Lautaro
Powerade
Manuel Ugarte.
Manuel Ugarte.
Mynd: EPA
Lautaro Martínez.
Lautaro Martínez.
Mynd: Getty Images
Hærri verðmiði.
Hærri verðmiði.
Mynd: Getty Images
Lloris, Ugarte, Lautaro, Maddison, Tchouameni, Kovacic, Zieler og Osimhen eru meðal þeirra sem koma við sögu í slúðurpakkanum. Ómissandi hluti af hverjum degi!

Hugo Lloris (36), markvörður Tottenham og franska landsliðsins, er með tilboð um að spila í Sádi-Arabíu á næsta tímabili og þrefalda núverandi laun sín. (Times)

Miðjumaðurinn Sergio Busquets (34) yfirgefur Barcelona í sumar og er talið líklegast að hann haldi til Sádi-Arabíu. Bandaríska MLS-deildin er líka möguleiki en Inter Miami hefur áhuga. (Times)

Liverpool er tilbúið að ganga að 52 milljóna punda riftunarákvæði í samningi úrúgvæska miðjumannsins Manuel Ugarte (22) hjá Sporting Lissabon. (Record)

Manchester United fylgist grannt með argentínska sóknarmanninum Lautaro Martínez (25) hjá Inter. (Football Insider)

Arsenal ætlar að tilkynna um framlengingu á samningi enska framherjans Bukayo Saka (21) sem mun verða til 2028. (Fabrizio Romano)

Newcastle hefur endurnýjað áhuga á enska miðjumanninum James Maddison (26) hjá Leicester. (Telegraph)

Liverpool hefur áhuga á franska miðjumanninum Aurelien Tchouameni (23) hjá Real Madrid, félagið er jafnvel tilbúið að skoða möguleika á lánssamningi. (90min)

Tottenham vill tryggja sér mann í stöðu yfirmanns fótboltamála í stað Fabio Paratici áður en gengið verður frá ráðningu á nýjum stjóra. (Mirror)

Manchester City hefur beint athygli sinni að Mateo Kovacic (29), króatíska miðjumanninum hjá Chelsea. City hafði áhuga á Jude Bellingham (19) sem er sagður á leið til Real Madrid frá Borussia Dortmund. (Football Insider)

Liverpool ætlar að fá Rob-Robert Zieler (34) frá Hannover sem vararmarkvörð. (Bild)

Úlfarnir hafa áhuga á sænska sóknarmanninum Viktor Gyökeres (24) hjá Coventry. (Sky Sports)

Paris St-Germain mun væntanlega missa franska framherjann Kylian Mbappe (24). Real Madrid er aftur farið að vinna í að fá leikmanninn. (Telegraph)

Napoli hefur hækkað verðmiðann fyrir nígeríska sóknarmanninn Victor Osimhen (24) upp í 139 milljónir punda. (Il Matino)

Rafael Leao (23) hefur skrifað undir nýjan fimm ára samning við AC Milan. Portúgalski framherjinn hefur verið orðaður við Liverpool og Chelsea. (Athletic)

Enski markvörðurinn Aaron Ramsdale (24) er nálægt því að samþykkja nýjan langtímasamning við Arsenal. (ESPN)

Sunderland planar að bjóða Jack Clarke (22) nýjan samning til að fæla burt áhuga Crystal Palace og Brentford á enska framherjanum. (TeamTalk)

Brasilíski framherjinn Raphinha (26) sem hefur verið orðaður við Newcastle segist vilja vera áfram hjá Barcelona. (Chronicle Live)
Athugasemdir
banner
banner
banner