Fótbolti.net

Jökull: Læti og stemning sem stuðningsmennirnir spúa yfir völlinn til strákanna

Helgi Fróði: Geggjað að vera í besta klúbbnum

Addi Grétars pirraður: Menn þurfa að hafa smá 'sens' fyrir því sem þeir eru að tala um

Ísak Óli: FH var langfyrsti kosturinn hjá mér

Bestur í Mjólkurbikarnum: Vakinn með símhringingu - „Á Jölla mikið að þakka"

Sigdís Eva: Vissum að við gætum þetta og sýndum það í leiknum

Pétur: Það var ekkert lið inni á vellinum

John Andrews: Vorum að spila gegn líklega besta liði landsins

Kallaði þetta gott eftir fimm hnéaðgerðir og fær góð ráð frá pabba sínum

Þurfti að róa Pablo eftir leik - „Leikmenn eiga ekki að skipta sér af áhorfendum“

„Ef þetta heldur svona áfram verða bara allir í banni eftir smá stund"

Hefði sætt sig við jafntefli - „Ég held að við höfum reynt 5 eða 6 plön í þessum leik“

Alex Freyr ósáttur: Þetta er bara sorglegt

Eysteinn á von á geggjuðum leik - „Jölli er alltaf Jölli í Portúgal"

Arnór Smára: Hafði persónulega mikla þýðingu fyrir mig

Draumadráttur Jökuls: Augnablik á stóran hluta af mínu hjarta og mun alltaf gera

Kjartan Henry: Hallgrímur sá ekki til sólar eftir það

Var vítaspyrnudómurinn í Árbæ rangur?

Lék sinn fyrsta leik í efstu deild og vildi víti - „Fann fyrir snertingu og lét mig detta"

Líður eins og Valsarar hafi tapað leiknum - „Hafði aldrei trú á því að hann væri að fara skora"

fim 11. maí 2023 23:13

Sölvi Haraldsson

Úlli: Komin mínúta fram yfir uppbótartímann þegar þeir jafna

Mynd: Fótbolti.net - Hafliði Breiðfjörð

„Þetta er hrikalega svekkjandi. Maður er bara mjög svekktur með það að hafa misst þetta niður í jafntefli.“ sagði Úlfur Arnar Jökulsson eftir svekkjandi 3-3 jafntefli gegn Þrótti R. í kvöld.

Lestu um leikinn: Fjölnir 3 - 3 Þróttur R.

Máni Austmann kom Fjölni yfir eftir 50 sekúndur, hvað gerist í aðdragandanum?

„Þeir fara í pressu á okkur og við leysum vel úr henni. Síðan spilum við bara beinskeytt fram á við og Máni klárar færið sitt mjög vel. Bara frábær sókn í alla staði.“

Þú hlýtur að vera sáttur með innkomu Bjarna og Árna í dag?

„Já, við erum með mikla breidd og við erum með menn á bekknum sem geta breytt leikjunum. Mér fannst þetta ekki vera spurning í hálfleik, við ræddum um það að ná aðeins betri stjórn á leiknum og láta boltann ganga aðeins hraðar á milli. Mér fannst í stöðunni 3-1 bara tímaspursmál hvenær 4-1 myndi koma. Maður er bara sleginn út af laginu.“

Þið voruð betri í seinni hálfleik og fáið þessar blautu tuskur í andlitið alveg undir blálokin, hvað gerist þegar þeir minnka muninn og jafna svo?

„Fyrsta tuskan er náttúrulega þessi grísa að setja hann beint úr horni. Þetta er bara algjör grís. Í seinni hálfleik fáum við helling af færum áður en við skorum 2-1 og svo 3-1. Síðan fáum við nokkra sénsa til þess að fara í 4-1. Við köstum þessu bara frá okkur í lokin og gefum þeim stig.“

Hvernig fannst þér frammistaðan vera í heild sinni?

„Hún var bara fína. Alls ekkert slæm en við getum gert mikið betur. Við eigum auðvitað að klára þetta. En síðan er auðvitað líka dálítið sérstakt að það er kominn mínúta yfir uppgefinn uppbótartíma þegar þeir jafna. Ég á bágt með að skilja þá ákvörðun.“

Fannst þér línan hjá dómaranum ekki vera nógu skýr?

„Skrítin lína með spjöldin. Hvað er gult spjald og hvað ekki? En ég er ósáttastur með uppbótartímann. Það var ekkert sem dómarinn hefði getað bætt við tímann þegar uppbótartíminn var liðinn og mér finnst þetta galið.“

Þið byrjið hér inni í Egilshöllinni, er langt þangað til þið farið út á Fjölnisvöllinn?

„Það verður sitthvoru megin við mánaðarmótin. Völlurinn kemur illa undan vetri eins og frægt er orðið hér í Reykjavík. Það eru allir vellir í Reykjavík ekki góðir. Menn sjá KR völlinn til dæmis og Maggi Bö sem er grassérfræðingur er vakinn og sofinn yfir vellinum en hann er samt ekki til búinn fyrr en í næsta leik.“

Þið eigið Selfoss næst á útivelli, hvernig leggst það verkefni í þig?

„Bara vel, fúlt hvað er langt í hann. Ég hefði viljað fá hann eftir þrjá daga en við komum eins og særð ljón í þann leik og núna tekur við bara löng bið eftir honum.“ sagði Úlfur Arnar þjálfari Fjölnismanna.