Heimild: Daily Mail
Knattspyrnusamband Evrópu, UEFA, hefur sent óformlega fyrirspurn til portúgalska knattspyrnusambandsins um hvort hægt verði að halda úrslitaleik Meistaradeildar Evrópu í landinu ef ástandið verði ekki viðunandi í Istanbul í kjölfar kosninga í landinu.
Daily Mail fullyrðir í kvöld að UEFA hafi rætt við portúgölsk yfirvöld um þennan möguleika en leikurinn yrði þá færður til Lissabon í Portúgal.
Eins og staðan er núna á leikurinn að fara fram á Ataturk leikvangnum 10. júní næstkomandi. UEFA óttast að ókyrrð yrði í Istanbul ef Recep Tayyip Erdogan tapar kosningunum.
Portúgal tók tvisvar við úrslitaleiknum í Covid árin 2020 og 2021 í Lissabon og Porto.
Athugasemdir