Tottenham í ensku úrvalsdeildinni er sagt vera í viðræðum við framherjann Marcus Thuram sem spilar í Þýskalandi.
Thuram er 23 ára gamall sóknarmaður en hann mun spila með Frökkum á EM alls staðar sem hefst á morgun.
Miklar líkur eru taldar á því að Thuram sé á förum frá Borussia Monchengladbach í sumar en þar hefur leikmaðurinn spilað frá 2019.
Thuram kom frá Guingamp í Frakklandi og hefur skorað 18 deildarmörk í 60 leikjum. Hann á einnig að baki þrjá landsleiki fyrir Frakka.
Harry Kane gæti verið á förum frá Tottenham í sumar en óvíst er hvort Thuram sé í myndinni sem arftaki hans eða ekki.
Thuram getur leyst ýmsar stöður í fremstu víglínu og gæti því reynst Tottenhan öflugur þegar kemur að breidd hópsins.
Athugasemdir