Jack Charlton, sem varð Heimsmeistari með Englandi 1966, er látinn - 85 ára að aldri.
Charlton hefur verið að glíma við langvinn veikindi. Hann lést í faðmi fjölskyldu sinnar í Northumberland í gær.
Hann er goðsögn hjá Leeds United þar sem hann lék 773 leiki á 23 árum. Geri aðrir betur. Hann spilaði 35 landsleiki fyrir England og lék alla leikina á HM 1966 þar sem England stóð uppi sem sigurvegari.
Charlton náði einnig góðum árangri sem þjálfari og stýrði hann írska landsliðinu á tveimur Heimsmeistaramótum og einu Evrópumóti.
Sir Bobby Charlton, goðsögn hjá Manchester United, er bróðir Jack.
Athugasemdir
