Kjarnafæðismótið: Völsungur skoraði átta

Völsungur mætti Hömrunum í Kjarnafæðismótinu í gær. Bæði þess lið munu leika í 2. deild kvenna á komandi leiktíð.

Krista Eik Harðardóttir skoraði þrennu fyrir Völsung og þá gerðu þær Guðrún Þóra Geirsdóttir og Berta María Björnsdóttir tvö mörk hvor. Hildur Anna Brynjarsdóttir komst einnig á blað.

Völsungur tefldi fram liði sem skipað var leikmönnum fæddust á árunum 1999-2006. Hamrarnir tefldu fram liði sem skipað var leikmönnum sem fædddust á árunum 2003-2006.

Hamrarnir eru með eitt stig eftir þrjá leiki og Völsungur fjögur stig eftir fjóra leiki. Alls eru sex lið í kvennariðlinum.