Fyrsti heimaleikur Aftureldingar í Lengjudeild karla í sumar fer fram í kvöld þegar liðið tekur á móti Þór frá Akureyri.
Þó leikurinn túlkist sem heimaleikur Aftureldingar er ekki þar með sagt að hann verði á heimavelli liðsins á Varmá heldur fer hann fram á glæsilegum leikvangi Framara í Úlfarsárdalnum.
Ástæðan er sú að Afturelding er að taka upp gervigrasið á velli sínum í Mosfellsbænum.
Þrátt fyrir að færa sig um set að sinni ætlar Afturelding að halda áfram með skemmtilegar uppákomur í sumar og byrja í Úlfarsárdalnum en í fyrra bauð félagið meðal annars upp á rauðvínskynningu, nudd, heita potta og hárgreiðslu á meðan leik stóð.
Í kvöld ætlar félagið að bjóða upp á fótsnyrtingu fráa Fótaaðgerðarstofu Mosfellsbæjar á meðan leik stendur og sem fyrr gildir auðvitað fyrstur kemur fyrstur fær.
Hægt er að skrá sig í Fótsnyrtingu í gegnum Instagram - Aftureldingknattspyrna.
Auk þess er boðið upp á hamborgara frá Kjötbúðinni, tippleik, nýju Kaleo treyjurnar verða til sölu og fleira.
???? Afturelding - @Thor_fotbolti
— Afturelding (@umfafturelding) May 9, 2023
?Föstudagur 19:30
???? Framvölllur Úlfarsárdal
???? Fótsnyrting hjá Fótaaðgerðarstofu Mosfellsbæjar
???? Hamborgarar frá Kjötbúðinni til sölu
???? Tippleikur @DPISL fyrir leik
???? Nýju KALEO treyjurnar í Afturelding megastore
? Krónuskotið í hálfleik pic.twitter.com/RiNRuQgbPD
