Fótboltafréttamaðurinn Fabrizio Romano greinir frá því að Rafael Leao, stjörnuleikmaður AC Milan, sé búinn að framlengja samning sinn við félagið til 2028.
Milan á eftir að staðfesta fregnirnar en ljóst er að Leao verður launahæsti leikmaður félagsins með fimm milljónir evra í árslaun eftir skatt.
Romano segir að í nýja samningnum sé 175 milljón evra söluákvæði, en Leao hefur verið eftirsóttur af stórveldum á borð við PSG og Chelsea undanfarna mánuði.
Leao er búinn að undirrita samninginn og mun Milan tilkynna fregnirnar á næstu dögum.
Leao, sem verður 24 ára í sumar og á 18 landsleiki að baki fyrir Portúgal, er með 23 mörk og 17 stoðsendingar í síðustu 66 deildarleikjum með Milan.
Athugasemdir