Eddie Howe stjóri Newcastle greindi frá því á fréttamananfundi í morgun að miðjumaðurinn Sean Longstaff væri á leið í ítarlegri myndatöku vegna meiðsla í fæti. Þá er Matt Ritchie meiddur á hné og kemur væntanlega ekki meira við sögu á tímabilinu.

„Sean Longstaff fór í skoðun hjá sérfræðingi. Það eru einhverjar skemmdir í einu af liðböndununum. Hann fer í frekari skoðun í dag en ég býst ekki við því að þetta séu langtímameiðsli. Þetta snýst um hvort hann geti spilað meira á þessu tímabili. Hans hefur verið saknað," segir Howe.

„Það er vanmetið hvað hann gefur liðinu taktískt og líkamlega. Hann er leikmaður sem getur spilað á hæsta getustigi og er með mikinn leikskilning. Við höfum saknað eiginleika hans."

Longstaff, sem er 25 ára, hefur verið fjarverandi í síðustu tveimur leikjum Newcastle.