Julian Nagelsmann mun ekki taka við Tottenham í sumar samkvæmt heimildarmönnum Sky Sports.
Þrátt fyrir að bera mikla virðingu fyrir Nagelsmann þá telja stjórnendur Tottenham að hann sé ekki rétti maðurinn til að taka við félaginu á þessum tímapunkti. Fleiri viðræður munu ekki eiga sér stað.
Nagelsmann hefur verið atvinnulaus síðan hann var skyndilega rekinn frá FC Bayern í lok mars. Tottenham og Chelsea sýndu honum áhuga en talið er að Real Madrid og PSG gætu einnig verið áhugasöm í sumar.
Tottenham heldur áfram í sinni stjóraleit þar sem Ryan Mason, núverandi bráðabirgðastjóri Tottenham, er með í kapphlaupinu.
Athugasemdir
