Ponzan
Kemur fyrsta mark Gabriel Jesus á morgun?
Christian Eriksen í dobule pivot
Lingard með rýting
2. umferð ensku úrvalsdeildarinnar hefst í hádeginu á morgun, veislan heldur áfram! Umferðin hefst með leik Aston Villa og Everton, gömlu landsliðsmennirnir Steven Gerrard og Frank Lampard mætast á hliðarlínunni.
Theódór Ingi Pálmason, Teddi Ponza - FPL Ponza, er spámaður umferðarinnar. Teddi er sérfræðingur í Seinni Bylgjunni á Stöð 2 Sport og er í Handkaststeyminu. Hann er þá mjög öflugur Fantasy spilari. Svona spáir hann í umferðina:
Theódór Ingi Pálmason, Teddi Ponza - FPL Ponza, er spámaður umferðarinnar. Teddi er sérfræðingur í Seinni Bylgjunni á Stöð 2 Sport og er í Handkaststeyminu. Hann er þá mjög öflugur Fantasy spilari. Svona spáir hann í umferðina:
Aston Villa 2 - 1 Everton (laugardagur, 11:30)
Barátta tveggja knattspyrnustjóra sem mikið hefur verið látið með, en árangurinn ekki eftir því. Villa olli manni gríðarlegum vonbrigðum í fyrstu umferð og Everton verður í basli. Spái þessu 2-1 fyrir Villa þar sem Leon litli Bailey verður allavega með eitt mark. Fer 2-0 ef Steve G hlustar á nafna sína í Steve Dagskrá og hendir Tyrone Mings í byrjunarliðið.
Arsenal 3 - 0 Leicester (laugardagur, 14:00)
Kaðlar FC fóru vel af stað síðasta föstudag og munu halda því áfram. Munu svo gefa hressilega eftir þegar kólnar á Bretlandseyjum. Þetta fer 3-0 fyrir Arsenal. Gabriel Martinelli, Gabriel Jesus og Gabriel með mörkin.
Brighton 1 - 1 Newcastle (laugardagur, 14:00)
Graham Potter sagði í viðtölum eftir leikinn gegn Manchester United á sunnudaginn, að þeir hefðu þurft að suffera eftir að þeir komust 2-0 yfir. Munu suffera líka í þessum leik en landa góðu stigi gegn strákunum að norðan.
Man City 5 - 1 Bournemouth (laugardagur, 14:00)
City voru hrikalega öflugir gegn West Ham og ég sé ekki annað í stöðunni en að titillinn endi í Manchester borg í 15. skipti á þessari öld. Endar 5-1. Haaland með þrennu og gamla skóla senterinn Kieffer Moore lagar stöðuna í uppbótartíma.
Southampton 2 - 2 Leeds (laugardagur, 14:00)
Southampton er eitt mest óspennandi liðið í þessari deild með Ralph leikþátt Hassenhuttl við stjórnvölinn. Leeds voru kraftmiklir gegn Wolves í fyrsta leik og verða ekki í sama basli og í fyrra. Endar 2-2 þar sem Leeds vinnur xG bardagann en hinn ofmetni Islan Meslier færir heimamönnum jöfnunarmark á silfurfati.
Wolves 0 - 0 Fulham (laugardagur, 14:00)
Wolves voru slakir gegn Leeds í fyrsta leik og eru ásamt Southampton með lið sem kveikir nákvæmlega ekkert í mér. Spái markalausu jafntefli í frekar bragðdaufum leik. Andreas Pereira maður leiksins.
Brentford 1 - 3 Man Utd (laugardagur, 16:30)
United eru með góðar minningar frá Brentford Community Stadium (eða Gtech Community Stadium eins og Rikki G kallar hann) í fyrra. Grasið verður vel slegið (16-17mm) og free flowing Ten Hag boltinn mun njóta sín. Eriksen í double pivot á miðjunni mun stýra traffíkinni og Marcus Rashford rífur sig í gang og verður með mark og stoðsendingu.
Nottingham Forest 1 -0 West Ham (sunnudagur, 13:00)
Strákarnir frá Skírisskógi munu koma á óvart og vinna 1-0. JLingz með rýting í sína gömlu félaga. Tommi Steindórs mun kalla eftir höfði David Moyes eftir leik.
Chelsea 1 -1 Spurs (sunnudagur, 15:30)
Rosaleg 1-1 lykt af þessum leik. Kane kemur Spurs yfir og Thiago Silva jafnar fyrir Chelsea. Verða samt læti í þessu og 1-2 rauð spjöld og Conte að sussa á mannskapinn.
Liverpool 3-1 Crystal Palace (mánudagur, 19:00)
Liverpool voru slakir gegn Fulham og ég spái því að Elliott og Darwin komi báðir inn í byrjunarliðið. Verður erfið fæðing en Liverpool klárar þetta 3-1 eftir að Zaha kemur Palace 1-0 yfir.
Fyrri spámenn:
Tómas Þór - 6 réttir
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 20 | 15 | 3 | 2 | 40 | 14 | +26 | 48 |
| 2 | Man City | 21 | 13 | 4 | 4 | 45 | 19 | +26 | 43 |
| 3 | Aston Villa | 21 | 13 | 4 | 4 | 33 | 24 | +9 | 43 |
| 4 | Liverpool | 20 | 10 | 4 | 6 | 32 | 28 | +4 | 34 |
| 5 | Brentford | 21 | 10 | 3 | 8 | 35 | 28 | +7 | 33 |
| 6 | Newcastle | 21 | 9 | 5 | 7 | 32 | 27 | +5 | 32 |
| 7 | Man Utd | 21 | 8 | 8 | 5 | 36 | 32 | +4 | 32 |
| 8 | Chelsea | 21 | 8 | 7 | 6 | 34 | 24 | +10 | 31 |
| 9 | Fulham | 21 | 9 | 4 | 8 | 30 | 30 | 0 | 31 |
| 10 | Sunderland | 21 | 7 | 9 | 5 | 21 | 22 | -1 | 30 |
| 11 | Brighton | 21 | 7 | 8 | 6 | 31 | 28 | +3 | 29 |
| 12 | Everton | 21 | 8 | 5 | 8 | 23 | 25 | -2 | 29 |
| 13 | Crystal Palace | 21 | 7 | 7 | 7 | 22 | 23 | -1 | 28 |
| 14 | Tottenham | 21 | 7 | 6 | 8 | 30 | 27 | +3 | 27 |
| 15 | Bournemouth | 21 | 6 | 8 | 7 | 34 | 40 | -6 | 26 |
| 16 | Leeds | 21 | 5 | 7 | 9 | 29 | 37 | -8 | 22 |
| 17 | Nott. Forest | 21 | 6 | 3 | 12 | 21 | 34 | -13 | 21 |
| 18 | West Ham | 21 | 3 | 5 | 13 | 22 | 43 | -21 | 14 |
| 19 | Burnley | 21 | 3 | 4 | 14 | 22 | 41 | -19 | 13 |
| 20 | Wolves | 21 | 1 | 4 | 16 | 15 | 41 | -26 | 7 |
Athugasemdir
