„Ég er bara reiður. Reiður með liðið.“ sagði Dean Martin eftir tap gegn Þrótti í Laugardalnum. Leikurinn fór 4-3 fyrir Þrótti en þetta er annar tapleikur Selfossar í röð.
Lestu um leikinn: Þróttur R. 4 - 3 Selfoss
Hvað fannst þér fara úrskeðis í dag?
„Við vorum bara ekki nógu góðir, punktur. Við vorum ekki nálægt mönnum og vorum bara að bíða eftir að einhver annar myndi gera eitthvað. Bara langt frá því sem við vitum að við getum gert.“
Þið byrjið leikinn frábærlega og komist yfir en síðan fáið þið tvö mörk á ykkur fyrir hálfleik. Er ekki svekkjandi að missa þetta svona auðveldlega niður eftir svona góða byrjun?
„Mjög svekkjandi. Það bara gerðist ekki sem þarf að gerast til þess að vinna fótboltaleik. Menn verða bara að taka ábyrgð.“
Síðan minnkið þið muninn í 3-2 en fáið á ykkur fjórða markið í lokin. Var það högg í magann að fá það mark á sig eftir að hafa verið mikið inni í leiknum í restina?
„Í rauninni ekki. Það var bara skítamark sem við fengum á okkur líka. Þá átt þetta bara skilið ef þú ert ekki á tánum og ekki tilbúnir að leggja sig fram eins og var hjá okkur. Okkar dagur í dag var bara skelfilegur sem lið.“
Þú talar um að þínir menn hafa verið langt frá mönnum og ekki alveg á tánum. Afhverju heldur þú að það hafi verið?
„Við töpuðum seinasta leik líka. Þetta er bara leiðinleg frammistaða í dag. Við leggjum okkur ekki næginlega vel fram í dag sem lið. Við vinnum sem lið, ekki sem einstaklingar heldur lið.“
Í næsta leik eigið þið Njarðvík á heimavelli, hvernig metur þú framhaldið?
„Ég met ekki neitt. Ég met ekkert framhaldið. Ég sé bara hvernig menn eru á morgun og þá byrjum við að skipuleggja okkur fyrir næsta leik. Ég met ekki neitt.“ sagði Dean Martin að lokum eftir 4-3 tap gegn Þrótti.
Viðtalið má sjá í heild sinni í spilaranum hér að ofan.
